fraudulemment

Fraudulemment, adverb. acut. Est par ou avec fraude, tromperie et deception, comme, Il m'a fraudulemment fait contracter, Per dolum, aut dolo, per fraudem, aut tecta fraude, ad contrahendum me induxit, Fraudulenter. Aucuns escrivent Fraudulentement, mais la reigle Françoise y resiste, laquelle est que les adverbes que le François prend du Latin terminant en Ter, il les syncope pour plus aisée prononciation, comme de Fraudulenter, Prudenter, Sapienter. Il faict Fraudulemment, Prudemment, Sagement; Et non Fraudulentement, Prudentement, ne Sagentement, et change sans plus la syllabe Ter finale, en cette cy ment, et la consone n, en m, sa suyvante, pour plus aisée prononciation et plus gratieuse. Ainsi que l'Italien de Factum et Pectus Latins, dit Petto et Fatto, et non point Facto et Pecto. En quoy l'adverbe Sagement, qui est fait de Sapienter, est anomale, par ce que la lettre n, est du tout obmise, ce qui peut estre à cause de ce que desja y a eu autre mutation au mesme mot, qui est de pie, en ge, ainsi qu'elle est au nom, Sapiens, Sage, que en aucunes contrées on dit, Sagent, et en autres Sachent. Selon ladite reigle de Fortiter, Viriliter, Acriter. Le François dit Fortement, et par syncope Forment, Virilement, Aigrement, et semblables.

Thresor de la langue françoyse. Jean Nicot.